Ахтариб-ахтариб, топсам изингиз...

Юнус ЭМРО

Ахтариб-ахтариб, топсам изингиз...

Ахтариб-ахтариб, топсам изингиз,
Босган изингизга сурсам юзимни...
Ҳақ насиб айласа, кўрсам юзингиз –
Ё Муҳаммад, жуда соғиндим Сизни!

Бир муборак сафар бўлса-да, кетсам –
Каъба йўлларида қумларга ботсам...
Жамолингиз бир бор тушимда кўрсам,
Ё Муҳаммад, жуда соғиндим Сизни!

Қалбимда қолмади зарра ҳам чора,
Кирдим бу Ҳақ йўлга сидқу дил ила.
Абу Бакр, Умар, Усмон-ла бирга
Ё Муҳаммад, жуда соғиндим Сизни!

Али билан Ҳасан-Ҳусайн унда,
Севгиси кўнгилда, ишқлари жонда...
Тонг-ла Маҳшар куни – улуғ Девонда
Ё Муҳаммад, жуда соғиндим Сизни!

Арафот тоғидир бизнинг тоғимиз,
Унда ижобатдир ДУОларимиз.
Мадинада ётур Пайғамбаримиз...
Ё Муҳаммад, жуда соғиндим Сизни!

Йўқотдим у Дўстни билмам, қай ёнда?..
Севгиси қалбимда, муҳаббат жонда!
Тонг-ла Маҳшар куни – улуғ Девонда
Ё Муҳаммад, жуда соғиндим Сизни!..

Юнус мадҳ этгайдир Сизни тилларда,
Тилларда, дилларда ҳам кўнгилларда!
Ахтариб-ахтариб ғурбат элларда –
Ё Муҳаммад, жуда соғиндим Сизни!

Ё Муҳаммад, жоним орзулар Сизни!
(Соллаллоҳу алайҳи ва саллам)

© Bahor Guli Abdulloh таржимаси

Таҳрир қилинган сана 26/06/2017

Мақолани улашиш

Шиоримиз:

Аҳли сунна ва жамоа мазҳаби асосида пок ақийда ва мусаффо Исломга интилиш, Қуръон ва суннатни ўрганиб амал қилиш, исломий маърифат таратиш, салафи солиҳ – улуғ мужтаҳидларга эргашиш, кенгбағирлик ва биродарлик руҳини тарқатиш.

Cўнгги мақолалар

Янгиликлар

Саҳифамиздаги янгиликлардан хабардор бўлиш

Савол бермоқ

Савол-жавоб рукнига бериладиган саволларни, ушбу саҳифадан беришингиз мумкин ёки tazkiya@islom.uz емаилга мактуб йўллашингим мумкин.